La Coordinadora Antirracista de Nafarroa ha realizado hoy una manifestación como colofón a los actos que han conmemorado el Día Internacional contra el Racismo. Han recorrido diferentes calles de la capital navarra para finalizar en la Plaza del Ayuntamiento, donde han leido un manifiesto y expuesto en un mosaico "todas las reivindicaciones que visibilizan las múltiples caras del racismo que nos atraviesa".

Abeltzaintza industrialaren aurka eta elikadura burujabetzaren aldeko elkarretaratzea Iruñean
Gaur goizean Iruñeko Sarasate Pasealekuan egindako elkarretaratzean Caparrosoko Valle de Odieta makroetxaldeak 14 giza taldeak adiskidetze-ekitaldi batera eraman izana salatu dute hamarka lagunek.

Nafarroako 0-3 Plataformak haur eskoletan "eredu duina" eskatu du gaur Iruñean egindako manifestazioan.

Gaurko mobilizazioan argi utzi nahi izan dute Nafarroako haur-eskolek "ez dutela ez kalitaterik, ez duintasunik, eta hezkuntzan 0-3 urtera etapa "garestia eta elitista" dela.

"Eskoletan bizi ditugun baldintzak lotsagarriak direla jakin beharra dago. Haur eskoletako langileok gure lan-praxia eta osasun mentala baldintzatzen dituen estres-maila pairatzen dugu. Bizitzaren garestitzea jasaten uzten ez digun soldata prekario baten truke egiten dugu lan. Gutako asko, gehienok ez esatearren, gure autonomia baldintzatzen duen pobrezia maila batean gaude", salatu dute langileek. Horren aurrean mobilizazioa aldarrikatu dute gauzak aldatzeko.

"Bide luzea egin dugu. Nafarroako 0-3ko egoera aztertzeko, alderdi politikoei, hezkuntza departamentuari eta kontseilari jaunari aukera berri bat eman nahi izan diegu. Bide honek fruiturik eman gabe jarraitzen du, eta lotsagabeki gaitzesten gaituzte berriro ere. Gimeno jaunak ez du erantzun ere egin biltzeko egin dugun eskaerari. Non dago Hezkuntzako kontseilaria egoera honen aurrean?", galdetu dute.

Gogoratu dutenez, Hezkuntzako Estatu Idazkaritzaren 2021eko abenduaren 23ko ebazpenak ezartzen duenez, haur-eskolek plaza irisgarriak, eskuragarriak, inklusiboak eta kalitate handikoak izan behar dituzte. "Ba al dakizue zein den plaza horiek sortzeko biderik onena? Lehen zikloa Nafarroa osorako doakoa izatea, langileen lan-baldintzak nabarmen hobetzea, gure lanaren erantzukizuna aitortuz, eta ratioak jaistea edo egungo langileak bikoiztea", aldarrikatu dute.

Gaur, berriz ere, negoziazio mahai bat eskatu diote Nafarroako Gobernuari. "Horrela bakarrik izango da posible 0-3 duin bat, Europako eskakizunei erantzungo diena, eta ez Hezkuntzako kontseilariak bigarren zikloko eta lehen hezkuntzako ikastetxeetan bi urteko gelak sortzearen inguruan iragarri zuena".

Plataformaren hitzetan PSNk ez ditu aintzat hartzen. "Mespretxatu egiten gaitu, tratu txarrak ematen dizkigu eta guk ezin dugu gehiago jasan!", salatu dute. "Modu batera zein bestera saiatu gara, eta greba baino beste aukerarik ez digute uzten. Benetan funtsezko zerbitzua bagara, has daitezela baldintza honen baitan tratatzen, ez baitugu haien konplize izaten jarraitzeko asmorik!"