Bide Eman Euskarari

Milaka izan dira"Bide eman euskarari" lelopean konbokatutako manifestazioan kalera atera diren herritarrak. Araubidean, plangintzetan eta baita baliabideetan ere eman behar zaiola bide euskarari aldarrikatu da Iruñeko karriketan.

Euskaraz, Nafarroa osoan, bizi, hezi eta ikasteko eskubidea aldarrikatu dute txoko ezberdinetatik etorritako milaka nafarrek. Horretarako, dei egin zaie benetako aldaketaren alde dauden alderdi, sindikatu eta instituzioei euskarari bide emateko urrats eraginkorrak abian jar ditzaten. Lan horretan herritarron babesa eta laguntza hor izango dutela azpimarratu dute.