#VivirEnLaCalle Kalea ez da etxea!!

Aurreko astean, Nafarroako gobernuak hurrengo egunetan kale egoeran daudenentzako, 50 plazako aterpetxe berri bat irekiko dela iragarri zuen. Kudeaketa Iruñeko Udalarena izanen da eta hotz boladan baino ez da irekiko. Zalantzarik gabe neurri egokia iruditzen zaigu baina ez nahikoa; izan ere, Iruñerriko eta eskualdeko kale egoeran dauden pertsonei gutxieneko estaldura bermatu ahal izateko, osotara 100 plaza inguru beharko lirateke. Aldi berean, jantoki sozial berri bat edo daudenen edukiera handitzea eta eguneko zentro publiko bat sortzea urte osoan zehar erabili ahal izateko.
Horrez gain, nahitaezkoa da tokiko gizarte zerbitzuek eurekin gizarteratze prozesuak hastea, bai eta erroldatzeko eskubidea bermatzea; izan ere, erroldak edozein zerbitzu publikorako sarrera bermatzen du. Sei hilabete edo gehiago itxaron behar izaten dute errolda lortu ahal izateko, bitartean osasun txartela lortzeko, kultura eta kirol zerbitzuetan parte hartzeko, formazioa hasteko eta egoera administratiboa erregulatzeko aukera ez dutelarik. Horrek lan egitea ukatzen die eta beraz, euren beharrak modu autonomoan asetzea ezinezkoa da.
Horregatik, Nafarroako Gobernuari urte osoan etxerik gabeko pertsona guztien ostatua eta mantenua bermatuko duten baliabide gehiago eskatzeko eta Iruñeko Udalari pertsona horien gizarteratze prozesuetan bizkortasun handiagoa eskatzeko.