Etxera! Zigorren batuketa orain!

Rubenachi bizi osorako zigorra ez ezartzeko eta aske uzteko eskariak Arrotxapeako kaleak hartu ditu.
Jon Rubenach Roiz Iruñeko presoari ezarritako 7/2014 Legea salatzeko manifestazioa egin dute gaur Arrotxapean. Lege honen aplikazioak askatasunik gabeko pertsonen giza eskubideak urratzen dituela uste dute bizilagunek, preso honek Frantzian betetako 16 urteko espetxe zigorra kontutan hartzen ez dituelako. Salatu dutenez, salbuezpenezko legedi honekin ez luke askatasuna lortuko 2048. urtera arte, espetxean 45 urte igaro ondoren.