Osasun sistema publiko eta duina bermatzeko aurrekontu eta lan baldintza egokiak eskatu dituzte

Nafarroako Osasun Plataformak deituta manifestazio jendetsua izan da Iruñean. Plataformak adierazi duenez, pandemiak agerian utzi ditu aspalditik existitzen ziren gabezi estrukturalak, eta gaur egun dauden baliabideekin ezin da behar den zerbitzua eskaini salatu dute. Horregatik eskatu dituzte aurrekontu eta langileendako lan baldintza egokiak. Manifestazioan ia sindikatu guztiek parte hartu dute.