Izadiren aita den Iñigo Gutierrez presoa berriz espetxeratzeko erabakia salatu du Sarek Iruñean.

Gaur, Iruñean Iñigo Gutierrez euskal presoaren espetxeratzea salatzeko elkarretaratzea egin du Sarek. Gutirrez Izadiren aita da, eta hirugarren gradua duela gutxi eman zioten arren, Auzitegi Nazionaleko Fiskaltzak erabakia atzera bota du. Ondorioz, Iñigok espetxera itzuli behar izan du eta Izadi bere aiton amonen zaintzapean geratu da, bere ama Maria Lizarraga ere preso dagoelako.